أزاي تمرني طفلك علي أستخدام النونية ( القصرية ) في 3 أيام بس ؟؟
- أزاي تمرني طفلك علي أستخدام النونية ( القصرية ) في
- Jan 23, 2016
- 1 min read
الفكرة كلها هتعتمد علي تركيز المتابعة من الام والاب أو الام والجدة ولو كنتي موظفة هتحتاجي تاخدي يومين أجازة مع أجازة نهاية الاسبوع
مثلا علشان تركزي علي الموضوع
وبعد الايام دي هتحتاجي بردو تتابعي طفلك علشان ماينتكسش بعد ما دربتيه معلش الموضوع هيبقي مرهق في الاول بس بعد كدا هترتاحي
;) هتعملي ايه بقي
هتختاري الوقت المناسب والاحسن انه يكون في الصيف او الربيع علشان الجو يكون لطيف والوقت المناسب بردو ليكي ولطلك نفسيا يعني وقت متكونيش فيه متوترة او عصبية او مشغولة بأي حاجة .
أتأكدي أن طفلك بقي قادر أنة يتحكم في عضلاته وده بيكون من عمر سنة مثلا وعلي حسب كل طفل
هتجهزي بقي الحاجات اللازمة زي القصرية ومشمع علشان يكون تحت القصرية في اي مكان في البيت
هتجهزي ملابس داخلية جديدة والعاب طفلك ومجلات الاطفال مثلا ومكافأة ليه علشان لما يأدي المهمة
حاولي تشرحي ليه الموضوع قبل ما تبدأيه أنه كده هيبقي كبير والكلام اللي أنتي عارفاه ده
الصبر مفتاح الفرج يعني خليكي صبورة عليه خصوصا في اليوم الاول ومتتعصبيش عليه
اربطي الموضوع بمكافأة مادية زي حاجة بيحبها مثلا او معنويا زي التصفيق ليه مثلا ولو منولتيش المراد متزعليش ولا تيأسي وحاولي تخليه يكمل تبول في القصرية وغيريله فورا الملابس الداخليه اللي اتبللت .. وحاولي تاني بعد أيام لحد ما تنجحي في المهمة الصعبة دي
ولو عندك طريقة أسهل جربتيها ونجحت معاكي قوليلنا عليها علشان نستفيد كلنا
Comments