قبلة الفم - لمولودك

أكيد قبلة الأم على فم طفلها هي طريقة لإظهار الحب والحنان ده غير إن القبلة دي ليها فوائد نفسية، لأن الطفل بيحس بحنان الأم وبتزيد التقارب بين الأم وطفلها وده بيخلصه من شعوره بالتوتر والقلق.

لكن رأي أطباء الأطفال أن زي ما للقبلة آثار نفسية إيجابية فليها كمان آثار سلبية على الطفل في إمكانية إصابة الطفل بالأمراض الفيروسية المعدية اللي ممكن تتنقل ليه عند تقبيله من فمه ( زي الزكام و الرشح و الحصبة الألمانية وبعض أمراض اللثة واللسان. أو ممكن يصاب بمرض الحمي الغدية "المعروف باسم مرض التقبيل" ) .

فالقبلة اللي بتطبعها الأم او الاب أو أي شخص تاني على فم الرضيع خصوصا في شهوره السته الأولى ممكن أن تنقل له لأمراض اللي بيعانوا منها

وأكيد صحة طفلك وسلامته من أولوياتك علشان كده لازم تكوني حريصة على منع الآخرين من تقبيل طفلك من فمه , لكن اتبعي أسلوب لطيف معهم. على سبيل المثال لو قام أحد أفراد العائلة أو أي شخص بتقبيل طفلك من فمه، أطلبي منه أن يقبله على رأسه أو اذكري أمام الشخص خطورة تقبيل الطفل من فمه اللي عرفتيها أو ممكن تقولي أنك توقفتِي عن تقبيل طفلك من فمه لأنك حريصة على صحته وسلامته وخوفًا من انتقال الأمراض .

#mouthkiss