ازاي توفري في فواتير الكهرباء

الفواتير‬ واللي أكيد بتشكل مشكلة كبيرة في كل بيت .. تعالي نفكر سوا إزاي ممكن نقلل تكاليفنا وفواتيرنا كل شهر. هنبدأ بالكهرباء : 1 - اللمبات الموفرة أكيد سمعتي عنها قبل كدة ، لكن تعرفي أنها فعلياً و بدراسات حقيقية أثبتت أنها توفر من 70 إلي 80 % من استهلاك الكهرباء عن اللمبات العادية .

2 - نشيل الفيشة نعم أثبتت أيضا الدراسات أن الأجهزة الكهربائية تستهلك الكهرباء بمجرد توصيل الفيشة، علشان كده فعليكي أنتي وعائلتك توفير الطاقة دي وتخفيض الفاتورة بمجهود بسيط «شيل الفيشة» بعد الاستخدام، بس طبعاً في أجهزة مش هتقدري تستغني عنها زي الثلاجة – كشاف الكهرباء.

3 - نشر الغسيل يوفر تقدري توفري كمان كثير من الكهرباء المستخدمة في الغسالة بعدم استخدام خيار التجفيف في الغسالة، وتجفيف الغسيل عبر نشره.

بالخطوات البسيطة دي هتقدري توفري كتير في فواتير الكهرباء .. وبخطوات أسهل وبتخطيط أكبر هتوفري أكتر في حاجات تانية مثل :

- الروبابكيا: أكيد كلنا عندنا في بيوتنا سلع وأجهزة مش بنستخدمها ، ووجودها في البيوت من باب «الكراكيب»، بس ليه مفكرتيش تضيفي لنفسك مصدر دخل مش هيحتاج منك أي مجهود؟ .. كل اللي عليكي هو بحثك عن مشتري للأشياء اللي ملهاش قيمة عندك ، ولكن لها قيمة عند شخص آخر، وفي دلوقتي مواقع كتير هتساعدك في كده وهتقدري تعرضي عليها أي حاجة بكل سهولة وبكده تكوني اصطدتي 3 عصافير بحجر واحد .. رتبتي بيتك – وإتخلصتي من الكراكيبك – وزودتي بند الإيرادات في ميزانيتك